آخر تحديث: سبتمبر 2026
1. لو انت عميل
- افتح المتجر اللي اشتريت منه وسجّل دخولك.
- ادخل على حسابي، وانزل لآخر الصفحة لـ حذف الحساب نهائيًا.
- اكتب "حذف حسابي" للتأكيد، وبعدها كلمة المرور. لو بتدخل بحساب جوجل، هيطلب منك تأكّد بجوجل.
حسابك واحد على كل المتاجر اللي على المنصة، فحذفه من أي متجر بيحذفه من كلهم.
2. لو انت بائع
- سجّل دخولك من صفحة تسجيل الدخول.
- من لوحة التحكم ادخل على إعدادات المتجر، وانزل لـ حذف الحساب نهائيًا.
- اكتب "حذف حسابي" للتأكيد، وبعدها كلمة المرور أو التأكيد بجوجل.
حذف حساب البائع بيحذف متجره معاه، ورابط المتجر بيبقى متاح لأي حد يسجّل بيه بعد كده.
3. إيه اللي بيتمسح
- بيانات حسابك: الاسم والبريد ورقم الهاتف والعنوان المحفوظ وصورة الحساب، وبيانات الدخول.
- سلة المشتريات بتاعتك في كل المتاجر.
- للبائع: المتجر ومنتجاته وصورها وأقسامه وتقييماته، وطلبات الاشتراك في الباقات، وإحصائيات الزيارات.
الحذف فوري ونهائي، ومفيش طريقة نرجّع بيه الحساب بعد كده.
4. إيه اللي بيتحفظ، وليه
- سجلات الطلبات: الطلبات اللي اتعملت قبل الحذف بتفضل عند المتجر كسجل بيع (المنتجات والمبلغ وبيانات التوصيل اللي اتكتبت وقت الطلب)، لأن البائع محتاجها لحساباته وللاستبدال والاسترجاع. بعد الحذف مش هتقدر تتابعها من حسابك.
- التقييمات اللي كتبتها على متاجر: بتفضل ظاهرة باسمك. لو عايز تمسحها، اطلب ده من الدعم.
5. مش قادر تدخل على حسابك؟
لو نسيت كلمة المرور، غيّرها من صفحة نسيت كلمة المرور وبعدين احذف الحساب. ولو مش قادر تدخل خالص، ابعتلنا طلب حذف من نفس البريد المسجّل بيه الحساب على eldesouky71@gmail.com، وهنحذفه خلال 7 أيام عمل.
