سياسة الاستبدال والاسترجاع

آخر تحديث: سبتمبر 2026

1. حقك في الاسترجاع والاستبدال

طبقًا لقانون حماية المستهلك المصري رقم 181 لسنة 2018، من حقك تستبدل أو ترجّع المنتج خلال 14 يوم من تاريخ استلامه، بشرط يكون بحالته الأصلية ومعاه تغليفه وملحقاته، ومعاك رقم الطلب.

2. منتجات ملهاش استرجاع

• المنتجات المصنوعة أو المعدّلة مخصوص حسب طلبك (مقاسات أو تصميم أو كتابة باسمك).
• المنتجات القابلة للتلف زي الأكل والنباتات.
• منتجات العناية الشخصية والصحية لو اتفتح تغليفها.

المتجر لازم يوضح في وصف المنتج لو كان من الأنواع دي قبل ما تطلبه.

3. لو المنتج وصلك تالف أو مختلف عن الوصف

من حقك تستبدله أو ترجّعه وتسترد المبلغ كامل شامل مصاريف الشحن، والبائع بيتحمل تكلفة شحن الإرجاع. بلّغ خلال 14 يوم من الاستلام، ويفضّل تبعت صور توضح المشكلة.

4. إزاي تطلب استبدال أو استرجاع

1. تواصل مع المتجر من بيانات التواصل الموجودة في صفحته، واذكر رقم الطلب وسبب الاسترجاع.
2. المتجر بيرد عليك خلال 3 أيام عمل ويتفق معاك على ميعاد استلام المنتج.
3. لو المتجر مردّش أو في خلاف، تواصل مع دعم Home Craft من صفحة تواصل معنا وهنتدخل لحل المشكلة.

5. رد المبلغ

بعد ما المتجر يستلم المنتج المرتجع ويتأكد من حالته، المتجر نفسه بيرد لك المبلغ مباشرة (Home Craft مبتستلمش فلوس الطلبات، فالرد بيكون من البائع):

• إنستاباي أو محفظة إلكترونية: تحويل لنفس الحساب اللي دفعت منه خلال 7 أيام عمل.
• الدفع عند الاستلام: تحويل على محفظة إلكترونية أو إنستاباي باسمك خلال 7 أيام عمل.

مصاريف الشحن الأصلية مبتترّدش، إلا لو المنتج كان تالف أو مختلف عن الوصف أو وصلك غلط.

6. إلغاء الطلب

تقدر تلغي طلبك من غير أي رسوم طالما لسه متشحنش، بالتواصل مع المتجر. لو كنت حوّلت المبلغ للمتجر، المبلغ كله بيترد بنفس الطريقة والمدد اللي في البند 5.

7. اشتراكات البائعين في باقات المنصة

• لو دفعت اشتراك باقة والطلب اترفض أو متفعّلش، المبلغ بيترد كامل خلال 7 أيام عمل.
• بعد تفعيل الباقة، رسوم الشهر الحالي (أو فرق الترقية) مبتترّدش. تقدر تقفل التجديد التلقائي أو تحوّل لباقة أقل في أي وقت، والتغيير بيبدأ من الشهر اللي بعده.
• رصيد الحساب المشحون بيتخصم منه عمولات الطلبات واشتراكات الباقات. تقدر تسترد الرصيد المتبقي (من 50 ج.م) في أي وقت من تاب "الرصيد" في لوحة التحكم: المبلغ بيتحجز من رصيدك فورًا وبنحوّله على إنستاباي أو محفظتك الإلكترونية خلال 7 أيام عمل، ولو الطلب اترفض أو لغيته المبلغ بيرجع لرصيدك. لو اتخصم منك مبلغ الشحن ومتضافش لرصيدك، تواصل معانا من صفحة تواصل معنا والمبلغ بيترد على نفس وسيلة الدفع خلال 14 يوم عمل.

8. الشحن

مصاريف ومدد التوصيل ومتابعة الطلب موضحة في سياسة الشحن والتوصيل.

9. العملة

كل الأسعار والمبالغ على المنصة بالجنيه المصري (EGP)، وكل المدفوعات بتتم بالجنيه المصري.